ZOTUI

YMA thiah sut leh turin CYMA in ngen
                                     (CYMA in a nem zawng zela thu lak duh)
E.Lungdar, 27th May: CYMA chuan YMA leh HPC ‘D inkar a harsatna thleng chu thu in hriatsual palh vang ni a a hriat thu an sawi a, HPC ‘D ten an demand area chhunga YMA Branch te tihluihna-a an thiahna chu sut leh turin CYMA chuan a ngen a ni.
Ni 25 May 2012 khan CYMA chuan HPC demand area-a Branch, Group leh Sub- Hqrs hruaitute bakah khawpui chhung YMA President te ko khawm in tun hnaia HPC D ten YMA Branch thiat tura an tih chungchang an sawipui a, hemi hnu hian Demand area chhunga Sub- Hqrs hruaitu te leh CYMA hruaitute chuan meeting an nei zui nghal a, duh rum tak tak awm mahse, CYMA chuan he buaina hi hnamdang nena inkar thil a nih loh avangin a nem zawng a kalpui an duh rih a ni.
He meeting hian thuchhuah siamin, YMA chu Mizo hnahthlak hnam hrang hrang te lungrual taka an tel vekna tlawmngai pawl a nih angin, Mizo hnahthlak hnam hrang hrang te inlungrualna humhima, inlungrual taka awm chu YMA duh dan a nih thu thuchhuahah chuan an tarlang a,hnam inpumkhatna ti chhe thei zawng a chibing inlak hranna lam chi reng reng chu YMA chuan a dodal zel dawn tih an tarlang bawk a ni.

Keimahni
##Branch YMA : Tunkar tawp lamah YMA Library insak Slab chhun hnatlang neih tur a ni a member te thahnemngai taka thawk chhuak turin kan insawm lawk a ni e.
##YMA Day : YMA Day kan lo hnaih leh ta a, Section hrang hrang te YMA Day a kan intih siakna tur te tunkar atang chuan inbuatsaih tawh ila, YMA member zawng zawng te thahnem ngaitak in Section tan i thawk chhuak theuh ang u.
##Vanapa Section : Dt. 21 & 22. 5. 2012 khan Section sum tuak in an hnatlanga, member thahnem tak an thawk chhuak.
##Khuangchera Section : Dt 22. 5.2012 khan PWD kawngsiam ah hnatlang an nei a, members thahnem tak an thawk chhuak a, members thawk chhuak zawng zawng leh Inhlawhna siamsak tu PWD hotute chungah lawmthu an sawi a ni.

TUALCHHUNG
#Chatuan ramah u H.Lalramnghaka Kum 45 chuan ni 22. 5. 2012 Dar 12:15 Am.khan Pumna avangin Aizawl Civil Hospital-ah in min boral san a. A ruang hi hemi ni tlailam dar 1:00 khan rawn thlenpui a ni a, lumen a nih hnuin Dt. 23. 5.2012 khan Thlanmual No.1 ah vuiliam a ni
Tv Lalrokima Kum 35 chuan Ni 23.5.2012 dar 12:30 Am khan Pneumonia avangin Aizawl Civil Hospital-ah min boralsan bawk a. a ruang hi tlailam dar 2:00 khan rawn thlenpui a ni a, lumen a nih hnuin ni 24. 5. 2012 khan Thlanmual No.1 ah vuiliam a ni
Pi Lalnusiami Kum 50 chuan Ni 25.5.2012 dar 7:20 Am khan E.Lungdar Damdawi Inah Lungphuchawl in min boralsan bawk a, hemi ni hian Thlanmual No.1 ah vuiliam a ni. Lusun chhungte kan tawrhpui tak zet zet a ni
##Street light vuah:Khawchhung hmun hrang hrang a street light awmlo chu V/C ten tha lo tiin, V/C fund atangin street light bungrua leiin hmun hrang hrangah electric Deptt te vuah tir an ni.
##Training nei t. 22.5.2012 khan DLAO hovin 13th Finance Commision sum hman dan tur chungchang Training YMA Run, E.Lungdar-ah neih a ni a, Sailulak, Leng, Mualcheng leh E.Lungdar V/C te Training ah hian an tel a ni.
EDITORIAL
Chhiatni a kan thatna
Tun hnaiah kan khawtlangin chhiat kan tawk nasa a, nu leh pa, thalai te pawh kan tangrualin lusun chhungte hnem tur in kan theihtawp kan chhuah a, a lawmawm hle mai.
Branch YMA Committee-in Branch inthen alo rel tawh a,kan khua-a veng hrang hrang te hi Branch hrang hrangah awm dawn mah ila, tun hma ang tho a chhiat tawh nikhua a kan in tawiawm a, kan in puih zel hi a tul a, ‘kan branch lam a nilo’ tih vang mai mai a chet chhuah kan tum dawn lo a nih chuan branch inthen hi kan khawtlang tan chhiatna ani thei dawn a ni. Chuvang chuan veng pakhata chhiattawhna hi kan khawtlang chhiat tawhna ah ngai zel ila, tumah inla hrang awm lo in lungrual tak in awm zel ang u.
Mi tamtak in, thih nan Lungdar khua ngei an lo thlang tawh thin ani tih hre reng in, chhiattawh nikhua a kan in tawiawm dan hian hnungtawlh lam a pan lohva, hmalam a pan zel na tura vawng nung zel turin tan ila deuh deuh ang u.

Consumers’ Hriattirna
Ni 24th.5.2012 khan District Consumers’ Association hruaitute leh Legal Metrology hotute lokal in kan khawchhunga Retailer ti thalo te pawisa chawi tir an nih laiin, Pu Vaninmawia erawh chu Serchhip District-ah ti tha ber ah hotu lokal te hian an puang a ni. Retailer te hi mipui rawngbawltu pawimawh tak an nih a vang in thahnemngai taka thawk zel turin MCU E.Lungdar chuan a ngen a ni. Buhfai leh chini te hi a buk ngeia tih tur a ni a, buk lova suah phal a nilo. Sd/ Secretary
MCU E.Lungdar Branch

Ngaimawh leh sawiduh huang
(SMS @ 8014640233, 9863385501)
#Hmanah kha chuan YMA member an boral hian thlanlaihna hmunah YMA hruaitute’n “Pawndum sina thlah tur a ni a, kal vek i tum ang u” an ti a, kan tam viau thin a. Tunah erawh chuan information mike-a vawi tam tak puan a nih pawh in committee member zat pawh pawndum sin kan awm talo hi engvang nge ni ang le? Kan changkanna a vang hian tlawmngaihna kan hlamchhiah ta em ni ang le? Sawmtei Pa
#Fur alo thleng leh dawn ta a, mitin ten kan in bul kawr i thianfai tha leh ang u.
-Bs
#Khawhar inkalna tur hmun 3-lai maiah ahan awm a, YMA member te kan kal na hmun tur theuh ah kan kal tha hle mai. Hruaitute’n kal awm nisi kallo in chhinchhiah tur an tih kha a tha khawp mai, zawngchhang chi tak a ni.
-No. Thup.
#Khawfai lawmman dawn tuma hma kan lak lai tak tak kha chuan khawlai afaiin a nuam em em a. Thosi tak ngial pawh a awm lo a nih kha. Mahse tunah zawng…! -dt-a

ZOTUI

MZP Gen. Assembly Organising Comt. an thukhawm.
                                                                                         (Sub- Committee Pakua din a ni.)
E.Lungdar, 20th May: Kumin kum tawp lama E.Lungdar in Mizo Zirlai pawl (MZp General Assembly kan dawn tur atana Organising Committee member te chuan a vawikhatna atan Dt.14. 5. 2012 zan khan Pu K.Lalngaizuala VCP chenna Inah Meeting an nei a, Assembly pual hian Sub- Committee hrang hrang 9 din a ni.
Meeting hi Pu K.Lalngaizuala VCP Organising Committee Chairman ni bawk kaihhruaina hnuaiah neih a ni a, Committee chuan MZP Gen. Assembly kan dawn turah chak zawk a hmalak a nih theih nan Sub- Commitee chi hrang hrang pakua an din a, chungte chu 1) Fund Raising 2) Refreshment 3) Decoration 4) Recieption 5) Ushering 6) Light & Sound 7) Security 8)Information 9) Health & Sanitation te an ni a. Heng Sub – Committee peng hrang hranga mawhphurtu tur te pawh hi ruat nghal an nih bakah Sub – Committee hruaitute hian tul an tih chuan member pawh la ruat belh leh ni se an ti bawk.
Hei bakah hian Assembly kan thlen tur denchhena Khawtlang hmasawnna tur a Sorkar hnena khawtlang mamawh thlen tur chi hrang hrangte pawh sawiho a ni a, a tul ang zela hmalak chhoh nise an ti bawk.

                                                                                                   Keimahni
#Branch YMA : Dt 17. 5. 2012 khan Branch Committte Member-te Library Building sak mek Beam chhungin hnatlang neih a ni a. Member 30 vel an thawk.
Tin, Tunkar hun remchangah slab chhung a hnatlang neih leh tur a ni a. YMA member-te lo in ring turin kan inhriattir a ni.
#Nimin khan V/C leh Kumpuan Comt. ten Ruihlo do hnatlang an nei a. Pu Zosanga Zu bilh lai Barel 2, Pu Chalmawia Zu bilh lai Barel 2 leh Pu Piangthara Zu bilh lai tin 9 an man.
#Vanapa Section : Thawhlehni leh Nimin khan Sum tuak hnatlang an nei a. Tin,Pu R.Thanzuala’n a ram chhunga a rua Har ban atana hman tur a sah tir avangin an lawm hle.
#Taitesena Section : Inrinni khan an Section ram sam leh Emergency thing tur la in an hnatlang a, member thahnemtak an thawkchhuak.
TUALCHHUNG
#Headmaster thar nei dawn : Hunrei tak E.Lungdar High School leh Middle School I & II Headmaster kan neih tawhloh chu V/C ten Education Minister hnenah thlenin, Middle School I Headmaster atan hian Pu Biakdawla Mualcheng chu a rawn awm dawn a. Middle School II Headmaster atan Pi Lalduhawmi Saikhamakawn a rawn awm bawk ang. High School Headmaster tur pawh rawn dah thuai beisei a ni.
#Sunday School Inkhawmpui: Presbyterian Kohhran, E.Lungdar Pastor bial Senior Department zirlai te chuan E.Lungdar Kohhran Biak In ah inkhawmpui an nei mek. Zan in hian Inkhawmpui hi a tiak ang.
#Mi pawimawh lokal:Pu T.Sangkunga Secretary Govt. of Mizoram leh A.H & Vety. Dept. Joint Director leh Deputy Director te chu nimin (Inrinni) khan an rawn kal a. An hnenah hian kan VC te chuan AH & Vety tihchangtlunna tur an lo thlen a, a hmun hma vel enfel nghal a ni.
#Training nei dawn:Dt. 22.5.2012 hian 13th Finance Commision sum hman dan tur chungchang Training YMA Run, E.Lungdar-ah neih a ni dawn a, Sailulak, Leng, Mualcheng leh E.Lungdar V/C te Training a tel tura tih an ni a. Training hi LAD hotu ten an pe ang.

  PRISM Branch E.Lungdar-ah din a ni.:
People Right to Information and Development Implementing Society of Mizoram (PRISM) Branch chu E.Lungdarah din a ni ta a, heng mite hi hruaitu atana ruat an ni. President – Lalchuangliana Sailo
Secretary – Van Dailoa
Treasurer – Reuben MS Dawnga
Adviser – Rev. Zosangliana Fanai
PRISM Branch chuan Mipuite leh NGO te an hmalakna thlawp turin an ngen a ni.

EDITORIAL :
                                                                  PRISM leh kan khawtlang
Kan khawtlangah mi thahnem ngai ten PRISM Branch an lo din ve ta a. Kan khawtlang hmasawn zelna atan an thawh beisei ila. Sorkar hi mipui ta, mipui tan a ding a nih angin mipuite thatna turin kawng hrang hrangin hma a la thin a. Mahse heng sorkar ruahmanna te hi a nih tur ang taka kal lovin khawi laiah emaw pawh pen a ni fo thin. Hei vang hian kan ram pawh hma kan sawn hlei thei lo thin a ni. Chuvang chuan Sorkar laipui chuan Sorkar hnathawktute hnathawh dan langtlang taka mipui ten kan lo hriat ve theih nan tiin RTI Act. te a siam phah hial a ni.
Mizoram sokar pawn kumtin in Kum khat chhunga a hnuaia Department hrang hrangte hnathawh dan tur (Annual Action Plan) te a siam thin a, chu mi tihhlawhthlin nan chuan sum tam tak a dah thin a.. Heng te hi a enkawltu Department te hian an thawk tha em ? Eng tiangin nge an thawh ? tihte hi kan hriatpui lo fo thin a. Chutianga Sorkar hmalakna hrang hrangte zir chianga a nih tur ang tak a hnathawh a nih leh nih lohte, mipuiten Sorkar atangin kan chanvo diktak kan chang em tih te zirchianga hmala tu tur Pawl thar kan nei ta hi a lawmawmin, mipuite pawhin theihtawp chhuaha an hmalakna te kan thlawp a pawimawh hle ang.

     Hriattirna
Thlai tiak chi hrang hrang phun tur mamawh tan heng thlai tiak te hi kan chahsak thei reng e.
1) Serthlum 2) Serthlum Budding 3) Rubber 4) Butter Fruit
- C.Lalnghakmawia VCM
Lung Mistiry Association Hruaitute
Lung Mistiri Association E.Lungdar 2012 hruaitute:
President : Pu F.Sangmawia Vice President : Pu V.Lalhmunsiama
Secretary : Pu V.Lalenglawma Asst. Secretary : Pu H.Zoramsiama
Treasurer : Pu Laltanpuia Fin. Secretary : Pu C.Lalzuala
Lung/Cement lama eizawng tute chu Member-ah a inpek theih reng a. OB te hnenah Membership fee hi ` 20/- pek tur a ni.
Sd/- V.Lalenglawma Secretary; Lung Mistiri Association
Village Council / Court Order
1. Tribal / Cash tribe Certificate, Residencial Certificate leh Character Certificate DC Office atanga la tur ten YMA leh V/C hriatpuina lak ve ve tawh tur a ni.
2. kan khawtlangah Thing Mistiri rate siam thar a ni.
1st Class – Ni khatah ` 400/- 2nd Class – Nikhatah ` 350/-
3rd Class – Nikhatah ` 300/-
Rate thar hi May ni 21st 2012 atangin hman tan tur a ni.
Sd/- Lalrempuia Chhangte
Secretary,
Village Council /Court; E.Lungdar
Thing Mistiri Association Hruaitute
Thing Mistiri Assocition E.Lungdar 2012 – 2013 hruaitute:-
President – Pu H.Lalthanzuala Vice President – Pu T.Darthangzauva
Secretary – Pu H.Lalrempuia Asst. Secretary- Pu V.Lalhunpuia
Treasurer- Pu C.Lalrosanga
Hriattirna
Muaythai leh Wushu lama tui mi zawng zawngte Dt. 21. 5. 2012 (Thawhtanni) zing dar 6:00 ah Village Haat ah kal vek turin kan innngen in kan inhriattir a ni. Sd/- Convener
Hriattirna
Leilet neitute Agriculture Department hnuaia Farmer Identity Card la nei lo zawng zawng ten Dt. 21. 5. 2012 (Thawhtanni) Zing dar 6:00 atangin Pu B.Lalthawmliana Secretary FMC hnenah ID card a lam theih ang. Sd/- Secretary FMC

Ngaimawh leh sawiduh huang
(SMS @ 8014640233, 9863385501)#
#Bible Society a tui fu, mahse mi huan thlai lak pawisa lo te kan va la tam em! sim tawh ang u. Mihring in min hmu lo mahse Pathianin min hmu reng a nia.
- Titawhloa
#E.Lungdar khawchhunga Department hrang hrang Complex te hi han enkual ila ICDS complex saw a hnim ber mai lawng maw? Han samfai ve deuh thei se ava tha em. – Eldy
#Kan khawchhungah hian khawtlang tana in hmang peih miah silo, a in hmang peih a te thiltih duh khawp lo a na tak tak a awm hmuna lo sawisel ching an tam lutuk in ka hria. Hetiang mite hi khawtlang hmangaihtu aiin, khawtlang tan hian tumah thawk peih awm lo se tih duhtute an ni ber zawkin ka hria. – Hlua

Zotui

Aizawl Assam Riffle ram a LSC neite an LSC thehlut tur in ti.
(“LSC an thehluh loh chuan kan chhuahsan dawn lo” AR Commander.)
E.Lungdar, 13th May: Mizoram Range Assam Rifles Commander Brig. SP Rawat chuan an ram chhuahsan tura LSC awm te chu a neitute’n an surrender hma chuan an awmna an chhuahsan dawn lo ani ati.
MZP Gen. Hqrs. hruaitu te chuan nimin khan Brig SP Rawat hi an kawm a, chumi hnu ah MZP chuan Aizawl Press Club a thuthar thehdarh tute an kawm na ah MZP President James Thanghmingmawia chuan, “Brig SP Rawata’n LSC surrender an nih hma chuan an ram an chhuahsan loh tur thu a lo hrilh tih a sawi a ni. James Thanghmingmawia chuan AR ram a LSC neite chu dan lo anga nei a ngaihtheih an nih thu sawiin, “ AR hotu te hian NOC pakhatmah an pek chhuah loh thu an sawia, NOC pek chhuah a nih miau loh chuan LSC neitu te hian dan lo in an nei niin angaih theih,” ati. AR ram chhuahsan tur chungchang hi Joint NGO-ten Dt.14.5.2012 hian Central YMA office ah an ngaihtuah dawn tih sawiin MZP President chuan “LSC nei zawng zawng te thui zawk a kal zel ngailova Surrender mai tur in kan ngen” a ti a, LSC chu surrender anih loh chuan a tul anga hmalak zel anih tur thu an sawi. MZP General Secretary Lalhmachhuana sawi dan in Aizawl AR ramah LSC 134 a awm a, tun a an chhuahsan tur chinah hian LSC 57 awmin an ram chhuahsan tur zau zawng chu Acre 89.39 a ni.
YMA Insakna tur Sum lut : YMA day puala Branch YMA -in Miharsa In a sak na tur atan a Section hrang hrang in thawhlawm an khawnah, Sum leh pai leh hmanraw chi hrang hrang thawh zawng zawngte chungah Branch YMA in lawmthu a sawi a ni, Section hrang hrangte sum thawh dan : Khuangchera – ` 6700/-
Vanapa – ` 5300/- Neuva – ` 4450/-
Saizahawla Sect. – ` 5150/-
Taitesena Sect. lam report kan la dawng rih lo a ni.
HPC(D) lakah in ralrinna thu puang : Aizawl SP Pu Lalbiakthanga chuan HPC (D) ten Mizoram chhung hmun hrang hrangah pawikhawih an tum ni a thu an dawn avangin Mizoram a YMA Branch hrang hrangte chu an huamchhung theuhah Mikhual rinhlelh awm an awm leh awm loh lo ngaihven turin CYMA ah ngenna a thehlut a. HPC(D) te hian Aizawl – Silchar kawngpui hmun hrang hranga Culvert te leh Mizoramin Phai lama atanga Power a lakluhna line te tih chhiat an tum bakah Aizawl khawpui chhungah pawh Bomb tihpuah an tum niin an hriat thu Police lam chuan an sawi.
TUALCHHUNG
**Tuakthar : Zomuanpuia S/o Lalduhawmi leh Lalhunthari D/o Rinkhuma (L) te chu Dt. 10. 5. 2012 (Ningani) khan E.Lungdar Vengthar Presbyterian Kohhran Hall-ah an innei.
**Sunday School Inkhawmpui: Presbyterian Kohhran, E.Lungdar Pastor bial Naupang Sunday School Inkhawmpui chu bial chhung Kohhran hrang hrang Biak Inah neih mek a ni a.
Sakrament/ Intermidiate Dept. te Vengthar Kohhran Biak Inah inkhawm puiin, Junior Dept. te Venghlun Kohhran Biak Inah an inkhawmpui a, Primary Dept. te Leng Kohhran Biak Inah an inkhawmpui bawk. Inkhawmpuiah hian SS Zirlai naupangte Pathian thu leh hla hmangin an intihsiak dawn a ni.
**Hall Comt. hnatlang: Nimin Dt. 12. 5.2012 khan Community Hall Com mittee member-te chu Community Hall chhung ti faiin an hnatlang a. Hall chhung,Thutthleng leh chhuatte an silfai.
**Pavilion Extend-na tur hmu: LGSA chuan Pavilion Extend na tur RD Dept. atangin an hmu a. Hemi an hmuh theihna tura hma lakpuitu Pu K.Laldingliana (Sentea) MCS (Joint Director RD Dept.) S/o Pu K.Thangvela chungah LGSA hruaitute an lawm hle.
**Phone bo: Mobile Phone (Nokia M-72) tih bo a ni a, a chhar chuan Tv. Vandailoa hnenah pe leh turin ngen kan ni.
Keimahni
**Branch YMA : YMA Library Building sak mek chu a ban phun zawh ani ta. Library hi RCC a sak tur a nih avangin, zo fel tur chuan hun ala duh rei deuh dawn a ni.
**.Vanapa Section : Nimin khan Section sumtuak nan Thingla in an hnatlanga, Member thahnem tak an thawkchhuak. Hnatlanga thawkte chungah Section hruaitute an lawm hle.
EDITORIAL
Kan tlang mawi tak hi…..
Zoram huapa kan khaw hmingthan na chu kan khaw plan fuh tak mai leh kan tlang nuam leh mawi tak mai hi a ni awm e. Khual khua a han chhuah nikhua te hian miten kan khaw hming min zawh a, E.Lungdar khua kan han tih hi chuan kan Tlang chungchang leh khaw plan chungchang hi an fak ve hle thin.
Kan VC-te hmalakna in kan tlang cheina tur atan Rs. 130000/- lai kan dawng a, a lawmawm hle mai. Hmundang atang pawh a an rawn tlawh duh theih na tur in uluk tak in chei ila, Mizo mipui te hip thei khawp a kan chei chuan kan khawtlang in hma kan sawn anga, sumdawn na lam ah pawh hma kan sawn phah dawn a ni. Kan tlang ah hian thing te pawh kan lo phun hnem viau tawh a, nung tha tak erawh chu a awm meuh lo, chuvang chuan chawlhna nuam tak tak te siam nise, thut chawlhna tur thuthleng te pawh hmun hrang hrang ah siam ila,thil dang pawh tha tak tak a tam anga, mikhual hip thei tur in mawi tak in i chei teh ang u. Mipui te pawh in kan khaw rohlu kan tlang mawi tak humhalh na kawngah hian rilru i seng tam deuh deuh ang u.
Rorelnaah nungchang mawi
Khawtlang hmasawnna turin Pawl hrang hrang din a ni thin a. heng Pawl hrang hrang hruaitu atana thlante hian an rorel pui tur Committee member atan khawtlang tana rilru leh ngaihtuahna hmang peih mi ni a an hriatte an ruat thin a. chung roreltu hrang hrangte chuan kan rorelna hmunah erawh nungchang mawi kan zir a ngai hle thin. Hemi chungchangah hian sawitur tamtak chu awm mahse, apawimawh zual nia ka hriat deuh deuhte chauh han sawi mai ila.
1) Rorel tura kalkhawm nikhuaah hun vawndik kan zir a tul hle, hun kan vawn dik loh thin avangin, rorel tan hunah kan tan theilo fo mai hi mi puitling te zia a ni lo.
2) Rorel tura kan kalkhawmin, member senior zawkten tlar hmasa lam a thut nachang kan hriat a pawimawh. Hmun tam zawk leh rorelna sang zawkah chuan Chairman dinglam atangin member senior dan in dawtin an thu thin a, hei hian member Junior zawk te tan a senior zawkte dinkhalh ang chite a tihtlem bakah Senior zawkte ngaihchan dawn pawhin hnunglam atangin an mahni hmuh theih chuan a awlsam thin bawk.
3) Rorelnaah mi dangte thusawi laia awmhmun atanga mi thusawi lo hnial kalh zawnga lo tawng bul bul te, bul a mite nena thu dang lo sawite hi a mawi lo hle a, mi puitlinglo zia a ni.
4) Rorelna hmunah Thutthleng in remsa mahni duh dan ang ang a tih danglam a, duhdah taka thut te, thutthleng awl a awm reng laia thutthleng dang la a, mahni duhna hmun hmuna thut mai chin te hi thil mawi lo tak a ni. Tin, rorel tura kan kalkhawm dawn a nih chuan thawmhnaw pawh felfai leh hmuh nuam deuh kan inbel hram hram a pawimawh hle.
5) Committee member kan nih chuan ngaihdan sawi turin zalenna zau tak kan nei tih kan inhriata, kan ngaihdante huaisen taka kan sawi chhuah ngam ngei pawh a tul a. Tin, kan ngaihdan lo zawng a thu tih tluk a nih pawhin, a tam zawk ngaihdan chu thin dam tak a kan pawm thiam a pawimawh bawk. Tin, kan thu sawi tur pawh tawifel taka sawi kan tum hram hram a tha hle.
6) Rorel inkhawm ban hma duh vang ringawt a thu tih tluk zung zung duh mai chi kan awm fo, heihi thil thalo tak a ni. A tul a nih chuan nileng/ tlaivar pawh kan in huam zawk tur a ni.
7) Ngaihdan inan lohna avanga inhnial chang a awm thin, hetiang hunah hian tawngkam mawi leh dam zawk hmanga inhnial hi a lo ngaithla tu tan a nuam a, Committee pawh a ti zahawm zawk tih kan hriat reng a tul hle.
Community Hall chungchanga mipuite hriattirna
Communiuty Hall hi khawtlang ta nih angin mahni ta ang theuh a enkawl turin kan in ngen a, heng a hnuai a mi te hi zawm hram hram kan tum theuh dawn nia :
1)Hall Area ah engmah dah phal a nilo a,thlai chin pawh phal loh ani.
2)Hall hmang tur ten Chairman/ Secretary hriattir hmasak thin tur a ni.
3)Hall a Programme hmang reng reng in hman man Rs 500/- Pu B.Dengmura (Treasurer) pek thin tur a ni.
4) Sound system hi operator Tv B.Lalkrosmawia leh Pu H.Lalthanmawia te lo chuan khawih phal a nilo.
5)Hall hmang tu ten hman zawhah faitak a phiah leh thin tur a ni.
Sd/ H.Laltanpuia. Secretary Community Hall Committee
Boxing Association Hriattirna
Boxing Coach thiam tak chah tum a ni a. Boxing zir turin a tam thei ang ber kan in sawm a, Naupang lam deuh duhsak bik an ni ang. Tin, Serchhip Dist. Boxing Assotiation hnuaiah Local Championship buatsaih a ni dawn a, he ta tel tur hian Boxerte lo inbuatsaih tur a ni.
Tin, District Level PYYKA Championship August 2012 hian neih a ni leh dawn a. Mipa leh Hmeichhia a tam thei ang ber tel turin lo inbuatsaih ang u. – Sd/- Secretary, ELBA

Ngaimawh leh sawiduh huang
(SMS @ 8014640233, 9863385501)
**Khawvel thang zelah Mau lam chi mamawhna asang zel a, chuvangin hralh atana a tuai khawrh hi khap a hun tawh viauin ka hria, Raw tuai/Mautuai kan khawrh nasa lutuk hi kan tuar tan mek a nih hi. -Mr. Solomon
**Ui vulh tu tam tak ten an khuahkhirh tha tawh viau a, a lawmawm hle mai. Ui man tlangau hriattur ala awm zeuh zeuh, i fimkhur leh zual ang u. -Sawma
**Mi huana ran chaw lak ching kan la awm hi chu a tha lo ngawt mai, sim tum hram hram teh u. -Lalmama
**Kan khawtlang hmasawnna tur a khaw chhunga contract hna hmu te hian tha tak vek hian siam tum sela, mipui te pawh hian ngaihven tlang ila, an thawh that leh that loh te hi ngaihven ang u. Sum ringawt um a hnathawk an awm leh thin.
- Lungdar Hmangaiha

Zotui

Aizawl Assam Riffle ram a LSC neite an LSC thehlut tur in ti.
(“LSC an thehluh loh chuan kan chhuahsan dawn lo” AR Commander.)
E.Lungdar, 13th May: Mizoram Range Assam Rifles Commander Brig. SP Rawat chuan an ram chhuahsan tura LSC awm te chu a neitute’n an surrender hma chuan an awmna an chhuahsan dawn lo ani ati.
MZP Gen. Hqrs. hruaitu te chuan nimin khan Brig SP Rawat hi an kawm a, chumi hnu ah MZP chuan Aizawl Press Club a thuthar thehdarh tute an kawm na ah MZP President James Thanghmingmawia chuan, “Brig SP Rawata’n LSC surrender an nih hma chuan an ram an chhuahsan loh tur thu a lo hrilh tih a sawi a ni. James Thanghmingmawia chuan AR ram a LSC neite chu dan lo anga nei a ngaihtheih an nih thu sawiin, “ AR hotu te hian NOC pakhatmah an pek chhuah loh thu an sawia, NOC pek chhuah a nih miau loh chuan LSC neitu te hian dan lo in an nei niin angaih theih,” ati. AR ram chhuahsan tur chungchang hi Joint NGO-ten Dt.14.5.2012 hian Central YMA office ah an ngaihtuah dawn tih sawiin MZP President chuan “LSC nei zawng zawng te thui zawk a kal zel ngailova Surrender mai tur in kan ngen” a ti a, LSC chu surrender anih loh chuan a tul anga hmalak zel anih tur thu an sawi. MZP General Secretary Lalhmachhuana sawi dan in Aizawl AR ramah LSC 134 a awm a, tun a an chhuahsan tur chinah hian LSC 57 awmin an ram chhuahsan tur zau zawng chu Acre 89.39 a ni.
YMA Insakna tur Sum lut : YMA day puala Branch YMA -in Miharsa In a sak na tur atan a Section hrang hrang in thawhlawm an khawnah, Sum leh pai leh hmanraw chi hrang hrang thawh zawng zawngte chungah Branch YMA in lawmthu a sawi a ni, Section hrang hrangte sum thawh dan : Khuangchera – ` 6700/-
Vanapa – ` 5300/- Neuva – ` 4450/-
Saizahawla Sect. – ` 5150/-
Taitesena Sect. lam report kan la dawng rih lo a ni.
Keimahni
##Branch YMA : YMA Library Building sak mek chu a ban phun zawh ani ta. Library hi RCC a sak tur a nih avangin, zo fel tur chuan hun ala duh rei deuh dawn a ni.
##Vanapa Section : Nimin khan Section sumtuak nan Thingla in an hnatlanga, Member thahnem tak an thawkchhuak. Hnatlanga thawkte chungah Section hruaitute an lawm hle.
TUALCHHUNG
##Tuakthar : Zomuanpuia S/o Lalduhawmi leh Lalhunthari D/o Rinkhuma (L) te chu Dt. 10. 5. 2012 (Ningani) khan E.Lungdar Vengthar Presbyterian Kohhran Hall-ah an innei.
##Sunday School Inkhawmpui: Presbyterian Kohhran, E.Lungdar Pastor bial Naupang Sunday School Inkhawmpui chu bial chhung Kohhran hrang hrang Biak Inah neih mek a ni a.
Sakrament/ Intermidiate Dept. te Vengthar Kohhran Biak Inah inkhawm puiin, Junior Dept. te Venghlun Kohhran Biak Inah an inkhawmpui a, Primary Dept. te Leng Kohhran Biak Inah an inkhawmpui bawk. Inkhawmpuiah hian SS Zirlai naupangte Pathian thu leh hla hmangin an intihsiak dawn a ni.
##Hall Comt. hnatlang: Nimin Dt. 12. 5.2012 khan Community Hall Com mittee member-te chu Community Hall chhung ti faiin an hnatlang a. Hall chhung,Thutthleng leh chhuatte an silfai.
##Pavilion Extend-na tur hmu: LGSA chuan Pavilion Extend na tur RD Dept. atangin an hmu a. Hemi an hmuh theihna tura hma lakpuitu Pu K.Laldingliana (Sentea) MCS (Joint Director RD Dept.) S/o Pu K.Thangvela chungah LGSA hruaitute an lawm hle.
#Phone bo: Mobile Phone (Nokia M-72) tih bo a ni a, a chhar chuan Tv. Vandailoa hnenah pe leh turin ngen kan ni.
Kan tlang mawi tak hi…..
EDITORIAL-
Zoram huapa kan khaw hmingthan na chu kan khaw plan fuh tak mai leh kan tlang nuam leh mawi tak mai hi a ni awm e. Khual khua a han chhuah nikhua te hian miten kan khaw hming min zawh a, E.Lungdar khua kan han tih hi chuan kan Tlang chungchang leh khaw plan chungchang hi an fak ve hle thin.
Kan VC-te hmalakna in kan tlang cheina tur atan Rs. 130000/- lai kan dawng a, a lawmawm hle mai. Hmundang atang pawh a an rawn tlawh duh theih na tur in uluk tak in chei ila, Mizo mipui te hip thei khawp a kan chei chuan kan khawtlang in hma kan sawn anga, sumdawn na lam ah pawh hma kan sawn phah dawn a ni. Kan tlang ah hian thing te pawh kan lo phun hnem viau tawh a, nung tha tak erawh chu a awm meuh lo, chuvang chuan chawlhna nuam tak tak te siam nise, thut chawlhna tur thuthleng te pawh hmun hrang hrang ah siam ila,thil dang pawh tha tak tak a tam anga, mikhual hip thei tur in mawi tak in i chei teh ang u. Mipui te pawh in kan khaw rohlu kan tlang mawi tak humhalh na kawngah hian rilru i seng tam deuh deuh ang u.

Rorelnaah nungchang mawi
Khawtlang hmasawnna turin Pawl hrang hrang din a ni thin a. heng Pawl hrang hrang hruaitu atana thlante hian an rorel pui tur Committee member atan khawtlang tana rilru leh ngaihtuahna hmang peih mi ni a an hriatte an ruat thin a. chung roreltu hrang hrangte chuan kan rorelna hmunah erawh nungchang mawi kan zir a ngai hle thin. Hemi chungchangah hian sawitur tamtak chu awm mahse, apawimawh zual nia ka hriat deuh deuhte chauh han sawi mai ila.
1) Rorel tura kalkhawm nikhuaah hun vawndik kan zir a tul hle, hun kan vawn dik loh thin avangin, rorel tan hunah kan tan theilo fo mai hi mi puitling te zia a ni lo.
2) Rorel tura kan kalkhawmin, member senior zawkten tlar hmasa lam a thut nachang kan hriat a pawimawh. Hmun tam zawk leh rorelna sang zawkah chuan Chairman dinglam atangin member senior dan in dawtin an thu thin a, hei hian member Junior zawk te tan a senior zawkte dinkhalh ang chite a tihtlem bakah Senior zawkte ngaihchan dawn pawhin hnunglam atangin an mahni hmuh theih chuan a awlsam thin bawk.
3) Rorelnaah mi dangte thusawi laia awmhmun atanga mi thusawi lo hnial kalh zawnga lo tawng bul bul te, bul a mite nena thu dang lo sawite hi a mawi lo hle a, mi puitlinglo zia a ni.
4) Rorelna hmunah Thutthleng in remsa mahni duh dan ang ang a tih danglam a, duhdah taka thut te, thutthleng awl a awm reng laia thutthleng dang la a, mahni duhna hmun hmuna thut mai chin te hi thil mawi lo tak a ni. Tin, rorel tura kan kalkhawm dawn a nih chuan thawmhnaw pawh felfai leh hmuh nuam deuh kan inbel hram hram a pawimawh hle.
5) Committee member kan nih chuan ngaihdan sawi turin zalenna zau tak kan nei tih kan inhriata, kan ngaihdante huaisen taka kan sawi chhuah ngam ngei pawh a tul a. Tin, kan ngaihdan lo zawng a thu tih tluk a nih pawhin, a tam zawk ngaihdan chu thin dam tak a kan pawm thiam a pawimawh bawk. Tin, kan thu sawi tur pawh tawifel taka sawi kan tum hram hram a tha hle.
6) Rorel inkhawm ban hma duh vang ringawt a thu tih tluk zung zung duh mai chi kan awm fo, heihi thil thalo tak a ni. A tul a nih chuan nileng/ tlaivar pawh kan in huam zawk tur a ni.
7) Ngaihdan inan lohna avanga inhnial chang a awm thin, hetiang hunah hian tawngkam mawi leh dam zawk hmanga inhnial hi a lo ngaithla tu tan a nuam a, Committee pawh a ti zahawm zawk tih kan hriat reng a tul hle.
Community Hall chungchanga mipuite hriattirna
Communiuty Hall hi khawtlang ta nih angin mahni ta ang theuh a enkawl turin kan in ngen a, heng a hnuai a mi te hi zawm hram hram kan tum theuh dawn nia :
1)Hall Area ah engmah dah phal a nilo a,thlai chin pawh phal loh ani.
2)Hall hmang tur ten Chairman/ Secretary hriattir hmasak thin tur a ni.
3)Hall a Programme hmang reng reng in hman man Rs 500/- Pu B.Dengmura (Treasurer) pek thin tur a ni.
4) Sound system hi operator Tv B.Lalkrosmawia leh Pu H.Lalthanmawia te lo chuan khawih phal a nilo.
5)Hall hmang tu ten hman zawhah faitak a phiah leh thin tur a ni.
Sd/ H.Laltanpuia. Secretary Community Hall Committee
Boxing Association Hriattirna
Boxing Coach thiam tak chah tum a ni a. Boxing zir turin a tam thei ang ber kan in sawm a, Naupang lam deuh duhsak bik an ni ang. Tin, Serchhip Dist. Boxing Assotiation hnuaiah Local Championship buatsaih a ni dawn a, he ta tel tur hian Boxerte lo inbuatsaih tur a ni.
Tin, District Level PYYKA Championship August 2012 hian neih a ni leh dawn a. Mipa leh Hmeichhia a tam thei ang ber tel turin lo inbuatsaih ang u. – Sd/- Secretary, ELBA
Ngaimawh leh sawiduh huang
(SMS @ 8014640233, 9863385501)
*Khawvel thang zelah Mau lam chi mamawhna asang zel a, chuvangin hralh atana a tuai khawrh hi khap a hun tawh viauin ka hria, Raw tuai/Mautuai kan khawrh nasa lutuk hi kan tuar tan mek a nih hi. -Mr. Solomon
* Ui vulh tu tam tak ten an khuahkhirh tha tawh viau a, a lawmawm hle mai. Ui man tlangau hriattur ala awm zeuh zeuh, i fimkhur leh zual ang u. -Sawma
*Mi huana ran chaw lak ching kan la awm hi chu a tha lo ngawt mai, sim tum hram hram teh u. -Lalmama
*Kan khawtlang hmasawnna tur a khaw chhunga contract hna hmu te hian tha tak vek hian siam tum sela, mipui te pawh hian ngaihven tlang ila, an thawh that leh that loh te hi ngaihven ang u. Sum ringawt um a hnathawk an awm leh thin.
– Lungdar Hmangaiha

Zotui

Central YMA in HPC’D’ chungchangah thuchhuah a siam
(“Zohnahthlak te in zawmkhawm hi CYMA duh ber leh tum ber a ni.” CYMA)
E.Lungdar, 22th April: HPC (D) te vauna avang hian tun thlengin Branch YMA 25 leh Joint YMA 1 thiah a ni tawh. (Tuisual Group area -ah Branch 15 & Jt. YMA 1).Tuivai Group YMA President Pu C. Lalramsanga hnen atanga thudawn danin, Group huamchhunga Branch YMA 9, Daido, NE. Tlangnuam, North Khawlek, Suangpuilawn, Vanbawng, Zawngin, Phuaibuang, Lamherh, Khawlian a YMA hruaitute chuan an Seal neih ang ang leh Letter Head te Group YMA hruaitute kut-ah an thehlut nghal a, Group YMA hruaitute hian thawhtanni khian CYMA ah thehluh leh an tum niin thudawnna chuan a sawi a ni.
CYMA thuchhuah chu hetiang hi a ni ; Central YMA chuan Mizoram chhung leh pawna Mizo hnahthlak hnam hrang hrangte hi tumah thlei bik a nei ngai lova, kan thenawm State-ah te Hnam leh Hnam inkara buaina avanga kan unau Mizoram chhunga ‘RALTLAN’ te pawh en hranna nei lovin theih ang angin a lo tuamhlawmin a lo enkawl tawh thin a ni. Mizo te hi hnam tlem te Nuai sawm chuang awrh chauh kan la ni a. Mizoram thendarh zawnga hnambil leh chibing inla hrang zawnga thil tihte, ram leh hnam inpumkhatna tichhe thei zawnga hmalakna reng reng chu Central YMA chuan a dodal zel dawn a ni, inla hrang zawnga thil tihte, HPC ‘D’ ten Press Release leh Open Letter hmanga Central YMA President thusawi miah loh an sawi tir leh chumi avanga an Demand Area chhunga Branch YMA te tihluihna a an thiat leh Seal te Central YMA-a thehlut tura an ti mai hi Central YMA chuan hriatthiam harsa a ti tak zet a ni. Hetianga thu belhchian dawllo hmanga puhna hi a finfiahna video (Mobile) record nei nia insawi hi a rang lama rawn pho lang ngei tur leh Central YMA a pe turin kan ngen a ni.
Mizo hnahthlak hnam hrang hrangte inzawmkhawm hi Central YMA duh ber leh tum ber a ni. HPC ‘D’ te be tur hian Central YMA chuan theihtawp a chhuah tak meuh a, Ni 18th April 2012 atang khan hma la in, mi rintlak tak kaltlangin HPC(D) hotute nena inbiak a duh thu thlen ngei a ni.
Keimahni
#Library in sak tan dawn : Library Building thar chu Vengtharah sak tum mek a ni a, Section hrang hrang ten ban khur lai a hnatlang neih tur a ni a. Section hrang hrang ten ban khur laih hna hi a tan theih tawh a ni.
#Dt. 25.4.2011 khan SE PWD (Eastern Cicle) hovin Keitum -Artah kawng siam mek chungchangah Jt. Meeting Khawlailung-ah neih a ni a. Branch YMA aiawhin B.Lalkrawsmawia Fin. Secy. a tel.
#Pu PC Lalthanliana Minister of State i/c LAD etc. chuan PA Set min pe a achungah kan lawm hle. Tin, Aizawl lama min lo buaipui sak tu Tv. R.Lalmuanchhan Secretary ELKIP chungah pawh Br. YMA chuan lawmthu a sawi a ni
**LGSA:Tuichangral Football & Volleyball chu nimin khan zawhfel a ni a.Volleyball ah E.Lungdar in Bungtlang 3-2 a hneh in an champion a. Football ah E.Lungdar in N.Vanlaiphai 2-1 a hneh in an champion bawk a ni.Football a pakhat na hian `15000/- leh Trophy an la a, pahnihna hian `10000/- leh Trophy an dawng bawk a ni. Volleyball ah hian 1-na in `5000/- an la a, 2-na in `3000/- an dawng bawk a ni.
Tuntum Tournament-ah hian Football-ah Team 9 leh Volleyball-ah Team 5 an chhuak a Lungdar a tang in Football team 2 leh volleyball Team 1 an chhuak a ni..

TUALCHHUNG
**Tuakthar: PC.Lalramnghaka S/o Rohmingthanga (L) leh Ramthianghlimi (Tlangpui) te chuan ni 25.4. 2012 khan Vengthar Kohhran Hall ah an innei.
**Social Audit nei: Dt 24 .2 .2012 khan Social Audit neih a ni a, Ni za inhlawhna a sum kan dawn zat chu, `8,02,30,26,/- a ni. Chhura lung kawng black-top nan hian Alkatra Barrel 179 lei tawh a ni a. Alkatra Barrel 1 hi `9800 a lei a ni. Hemi ni hian kalkhawm ten VEC leh VMC tur te an thlang nghal a ni. Village Employment Council (VEC) ah :Vice Chairman-C.Lalhmunsanga, Asst Secy- Tv.Lianthangpuia, leh Hmeichhe aiawh Ramnunngaii te thlan an ni. VEC ah hian VCP chu Chairman a ni a, Secretary, Treasurer leh Fin. Secretary te pawh V/C a mite rin nghal tur a ni.
Vigillance and monitoring Committee (VMC) ah ,B.Lalchhingi, F.Lianhnuna, H.Laltana,Denghmingthanga, B.Dengmura,H.Khualthanga, C.Lalbiaktluanga, C.Biakthuama, V.Lalnunhlua te thlan an ni.
**Assembly nei dawn: Dt 2-3.5.2012 hian Tuiachangral Zirlai Pawl (TCZP) chuan Mualchengah Assembly an nei dawn a, he hun hmang tur hian Tuichangral huamchhunga Zirlaite leh Thalai rual te a duh apiang tel turin TCZP chuan a sawm a ni.
Infiamna
EDITORIAL
Tunhma chuan kan khua hi Mizoram dengchhuak khawp hial in infiamnaah kan lo sang thin a,rual u zawk te ang lo tak in tunah chuan hmasawnna aiin tih ve mai mai,ruihtheih thil nen a kawp mai mai pawh hreh lo hi kan awm nual ni in a lang ta.
Nimin maiah Tuichangral Sport hman zawh a ni a,kan khua chu football leh Volleyball ah kan champion hlauh mai a,a lawmawm khawp mai, amaherawhchu kan infiammi then khat ti ve mai mai, tih tak tak na nei lemlo, tournament awm dawn chauh a inkhelh ngaihsak, hmasawn tum tak tak na leh eizawn nan a hman tum tak tak player kan nei tlem hle niin a lang, mizo te tan hian infiam na hi eizawn tha tak, lehkha zir lemlo tan pawh a eizawnna hmuh theihnan a thil tangkai tak a ni tih hi hriat a tha.
India ram hmun hrang hrang a Football club kan hriat lar ni lem lo ah pawh kan mizo pui tam tak ten football hi eizawn nan an hmang mek a, kan hriat lar ni lem lo ah pawh hian sum leh pai tam tak an hai lut a, chuvangin kan infiam mi te hian Lungdar khua pel a, Mizoram pawn thleng dai tur leh eizawn nana hmang tak tak tur a tan la thar zel tur in rilru nei ila hma kan sawn dawn a ni.

**Ngaimawh leh sawiduh huang
(SMS @ 8014640233, 9863385501)
##Khawchhak atangin Ha siam thiam an lo kal a, tam tak hi Degree(zirthiam na) neilo ha siam ve mai mai an ni, Doctor thiam tak tak kan neih te hi ring ngam zawk ang u. Kan ti fuh zawk ang..
-Siama
##Social Audit kan neih a VEC leh VMC kan thlanah Party ang zawng a kal lutuk an lo awm kha a mak hle mai, mitha aiin kan party lam kan ngaipawimawh zawk nita in alang, keichuan khang mite kha ka ngaisang lo khawp mai. – Lalrema
##Zan rei a thawm bengchheng siam thin te khan sim tawh ula kan ti khawp mai thenawm khawveng te min vengthawng ve ru. -PHE Vengpa
##Sawisel tu tha hian khawtlang hmasawnna a thlen thin, in rel mai lo hian infuih hi i uar ang u, chu chuan khawtlang thatna a thlen dawn a ni. Party ruihchilhna hi sim teh ang u, keini khua chuan lungrual takin hmasawn i tum teh ang u. – Biarel

Zotui 22.4.2012

MBSE in HSLC result ti chhuak
(E.Lungdar Gov’t H/S 83.33% passed)
E.Lungdar, 22th April: Mizoram Board of School Education (MBSE) chuan Ni
20th.April 2012 khan HSLC result a ti chhuak a. Exam zawng zawng 15610 niin, mi
10989 in an passed a ni. Pass percentage hi 72.27% a ni a, Distinction ah mi 751,
First Division -ah mi 2363, Second Division ah mi 3703, Third Division ah mi 4172
passed in Compartmerntal (Subject bat) nei zat mi 377 an ni.
E.Lungdar Gov’t H/S atangin Regular 24 leh Private candidate mi 13 an
awm a, Regular atangin mi 20 in an passed a,Private mi 3 in an passed bawk a ni.
Compartment mi 5 an awm bawk. Heng mite hi E.Lungdar Gov’t H/S atang a pass
te an ni.
I Division:- Gospel Lalvenhima S/o Chhawnvela.
II Division :- B.Lalhmangaihzuali D/o B.Zothanga, R.Lalrempuii D/o
R.Lalmuanpuia, C.Lalremdika S/o C.Lalduhsaka, C.Ramdinthara S/o C.Lalzidinga,
C.Lalhruaizela S/o C.Darzamliana, K.Ramtharlawma S/o K.Lalherliana, Lalhriatkima
(L in Mizo) S/o James Hmangaihzuala,

Keimahni
Branch YMA : Pu R.Lalzirliana
Minister i/c Home etc. Mizoram
hnena Miharsa Insak tanpuina
kan dil sak leh Computer set leina
kan dil chu Minister hian min tih
hlawhlin sak a, kan lawm hle.
 Dt. 24. 4. 2012 atanga
Tuichangral Football & Volleyball
Championship E.Lungdar in kan
thlen turah Khawtlang mipuite
khawtlang ti mualpho zawng a
tumah awm lo turin kan inngen
a. Mikhual leh khawtual mite
inkarah pawh boruak thatak a
awm theih nan a theihtawp
chhuah theuh turin mipuite, abikin
Thalaite kan inchah a ni.
Khawtlang timualpho zawng leh
buaina leh harsatna siam zawnga
awmte chungah YMA leh VDP ten
atul angin action an la zel dawn a ni.
Property Sub- Comt. : YMA
Bungrua hawhtu ten Bungraw
hawh man Pu C.Lalengzauva
hnenah pek thin tawh tur a ni.
YMA Bungrua hmang tu ten
faitakin dahluh thin tur a ni a, tifai
lote ` 150/- chawitir zel in ni ang.
Bungrua te hi Incharge hriatpuina
lo chuan dahluh leh hawhchuah
loh tur a ni.
Football:Zanin EPL-ah
Man Utd Vs Everton 7:25Pm
(ESPN) Liverpool Vs Westbrom
10:55Pm (ESPN) Wolves Vs Man
City 10:55Pm (starsport)
LGSA : Dt 24th.atanga 28th April
chhunga Sangzingi & Ztu.
Denghrima Memorial Tuichangral
Football & Volleyball Championship
khelh tura inbuatsaihna
chuan avawrtawp a thleng ta.
LGSA Player-te pawh he Tournament-
a Champion ngei tumin
theihtawp an chhuah mek a ni.
,Infiamna khawvel

Village Council/Court Order
E.Lungdar Khawtlang a Inhlawhfa rate
hetiang hian siamthar a ni.
Mipa nikhatah ` 180/-
Hmeichhia nikhatah ` 150/-
Heihi May ni 1, 2012 atanga hman tan tur
a ni ang. Sd/- Lalrempuia Chhangte
Secretary, Village Council/Court

TUALCHHUNG
 Tuakthar: R.Lalruatmawia S/o
Zirthanngira leh Laltanpuii Mualcheng
te chu Dt 21.4.2012 khan E.Lungdar
Presbyterian Kohhran Hall ah an innei.
Chatuan ramah : Pi Lalchhungi K-
74 W/o H.Zalawta Taitesena Section a
mi chu Ni 16.4.2012 zing dar 6:30 khan
Cancer natna avangin a boral.
Lecturer la thar : Hmingthangi
Memorial HSS a thawk turin R.Lalrin
mawii MA (Eco) leh Jolly Lalrintluangi
MA (PA) te chu lak thar an ni. May ni 1
atangin an hna an zawm ang.
 Joint meeting nei: Dt. 19. 4. 2012
zan khan V/C kaihhruaina hnuaiah
khawtlang a pawl hrang hrang aiawh
ten Joint meeting YMA Runah an nei
a. Kumin kumtawp lama MZP Gen.
Assembly E.Lungdar in athlen turah
Organising Committee Hetiang hian
din a a ni.
Chairman – K.Lalngaizuala (VCP)
Vice Chairman – H.Laltanpuia (Pre.YMA)
Secretary – B.Lalremchhunga (Pre. MZP)
Jt. Secretary – C.Vanlalruata (Secy. MZP)
Treasurer – B.Zonunthara (Trea. MZP)
Fin. Secy. – K.Rozingpuii (Fin. Secy. MHIP)
Heng mite hian Committee member
tur te chu an la ruat leh dawn a ni.
 VDP Hriatirna: Rukruk leh thilsual
dang report tur nei ten, Pu
Biakchhawnthanga Secretary Ph.
986352503 (M) 03831 262269 (R)
hnenah ziakin report thin tur a ni

Resolution
Khawtlang venhim hna thawk turin Village Defence Party (VDP)
chu dinthar leh a lo nita a, VDP ten khawtlang tana an hmalak na tur
kawng hrang hrangah E.Lungdar khawchhunga Pawl hrang hrangte leh
Village Council chuan kan thlawp tlat a. An hmalaknate zah sak tur leh
theihtawp chhuaha tawiawm theuh turin mipuite pawh kan ngen a ni.
Sd/- Lalrempuia Chhangte
Secretary
Village Council & All NGO Joint. Comt.

Ngenna leh Hriattirna
Dt. 24.4.2012 atanga tan turin Tuichangral Football leh Volleyball
Tournament chu E.Lungdar Playground-ah neih a ni dawn. Hetah hian
Infiammi thahnem tak lo kal tura beisei an ni a. Chhungtinte mikhual
thleng tura lo inbuatsaih theuh turin kan inngen a, mikhualte chungah
that chhuah a, harsatna leh buaina siamtu ni lova tanpuitu nih tum theuh
tur leh, Khawtlang timualpho zawnga awm lo turin mitinte kan inngen a ni.
Sd/- Secretary, LGSA

Social Audit Hriattirna
Dt 24th.4.2012(thawhlehni) zing dar 10:00 ah Community Hall
ah Social Audit neih tur a ni a,Job Card nei zawng zawng te kim tak a kal
tur a ni ang.

Co-Operative Society Member ni duh tan
Service Cooperative Society-a member a lut thar duh te tan May
Ni 15 2012 thleng hun hawn a ni e, 3310 pe in Secretary Pu R.Thanzuala
hnenah tihfel tur a ni ang. – Sd/ Secy Service Cooperative Society.

E.Lungdar Wrestling Association din fel a ni ta.
Hruaitu te:- President-Zorelliana Vice Pre-Lalchuangliana Sailo
Secretary-R.Ramhmingthanga Asst Secy- H.Lalkima
Treasurer- H.Rothanga Fin.Secy- R.Lalrinmawia.
Mizoram Wrestling Association bul tumin National Sub-
Junior(wrestling) selection leh Mizoram Pate challenger zawnna Ni 8-9
May 2012 hian E.Lungdarah neih tum a ni. Hemi rual hian Tuichangral
Mizo Inchai champion zawnna Ni 10-11 May 2012 hian neih a ni dawn
bawk a ni.Mizo inchai Nute leh nu lian neih a ni nghal bawk ang.-
- Sd/ R.Ramhmingthanga. Secy, E.Lungdar Wrestling Assn.

Branch kan inthen dawn maw. – Rina Pachuau
Kan Branch YMA chu Branch 4 a then tur in Committee in rel ta
rup mai ani tih tlangkam a tangin kan lo hre ve a, Branch 4 inthen hi a
tam mah mah lo maw? Kan khua hi In 600 vel kan ni a, hmun 4 ah
inthen sawm ta ila , Branch 1 ah mihring kan tlem viau dawn niin a lang.
Branch te bik ah phei chuan Mithi lumen ngai a awm hunah thalai te kan
tlaivar a ngai anga, a tukah thlanlaih a han ngaileh anga, thalai tlem te
tan chuan Chhiattawk an awm hun hi thil huphurhawm tak ani thei dawn
ani.Thalai indaihloh na Branch tur hi chu an awm ngei niin a lang
bawk si.
Tin, Lungdar khua a thil chhinchhiah reng tur ni si leh thil awm
reng tawh tur ni si hi chu Joint Committee te koh a rel chi niawm tak a ni
a.Thu tlukna siam fel tawh ni mah se, Joint Committee a rel that leh chi
a nilo maw?? Enge in ngaidan ni ve le?

Doctor Training dawn:- Dr. Malsawmsanga Khiangte chu Ni 23-27
thleng hian Aizawlah RNTCP Dot Plus training in a kal dawn.
Bial khawmpui nei mek:- E.Lungdar Pastor bial chuan E.Lungdar
kohhran ah Bial khawmpui vawi 44th-na an hmang mek a,Thupui ah
‘Lalpa thinlung buk’ tih chu Upa K.Zonundanga’n a sawi anga, Nakum
Bial khawmpui hi Mualcheng ah nghah a ni ang.

Taitesena Section Hnatlang :- Nimin khan an section sumtuak in an
hnatlanga members 20 an thawk chhuak a ni.

Editorial

Matric passed thar te hi
Matric result chu alo chhuak ta a,
kan khawtlangah pawh mi tam tak in
hlawhtlinna an chang a an lawmpui awm
hle a ni. Tin, zirtirtu te thawhrimna avanga
hetiang hlawhtlinna hi lo thleng a ni a,
zirtirtute inpekna pawh a chhuanawm hle
a ni.
Heng kan nau passed thar te hi
nu leh pa ten an zir tur kan ngaihtuahpui
a ngai khawp mai. An mahni tuina leh tha
an tihna lam a kal tir a, an subject lak tur
pawh kan ngaihtuah pui tak meuh meuh
a ngai a ni. Nu leh pa ten kan naute subject
lak dan tur ah midang, thil hre zawk
te pawh rawn tam a tha a, tam tak chuan
an subject lak turah englam nge kan zir
dawn tih pawh hre lawk mumal lo hi tam
tak an awm thin, School admission an tih
hma ngei a an subject lak tur an hriatchian
hmasak ngei ngei hi a tha a ni.
Subject awlsam leh zir nuam
ringawt hi naupang tam tak chuan an
thlang thin a, awlsam tak in an zir chhuak
a mahse hlawhtlinna tak tak a awm leh
lo thin a ni.Tin, a bik takin Aizawlah tunlaiin
school naupangah sualna a nasa hle a,
hei vang hian an school kalna tur te thleng
in kan hriatchian lawk a tha,an tih ngai
miah lo thil sual hi an thian kawm te leh
an classmate te atangin an ching ve thei
a ni.Heng zawng zawng hi venpui an ngai
tak meuh meuh a ni.

Ngaimawh leh sawiduh huang
(SMS @ 8014640233, 9863385501)
Aurinna ‘Mike’ hman kan uar lutuk
deuh lo maw? Mi tlemte awlsam taka in
hrilh hriat mai theih chi ah pawh Mike
hmangin kan tlang au leh vak zel mai leh,
khawtlang huap thil pawh ni lemlo te kan
puang fo hi chu sim atan atha khawp mai.
- Chuck T
 Kohhrana kan rawngbawltu
pawimawh tak ni ve si, Contract leh hna
pawimawh thawk ve a hlep tamloh hlau
ngawih ngawih avanga hna chhe tak a
thawk thin an awm hi chuan a beidawn
thlak ngawt mai.Rin tur tak pawh hi
hriatthiam a har ta.
- Mawia
Ui leh ar la thlahdah te hi tlem tal hian
an zak ve deuh angem aw??An mahni lah
hi mitin mai hian kan hre fur mai si a.
Hetih rual hian V/C te hian pawisa an
chawitir te hi receip pe tel zel thei se ava
tha ve -MSTA.

 

 

Zotui 8 April 2012

Village Defence Party (VDP) Dinthar leh a ni.
(Members 24 ruat thar an ni)
E.Lungdar, 8th April: E.Lungdar khawchhunga pawl hrang hrang, Branch
YMA, Section YMA, MUP, MCU, MZP, MHIP leh Sanitation Committe te chuan
VDP member tur an duh duh 10 theuh an ruat a, heng an ruatte hi thlifim leh in
mi 24 te an thlang chhuak ta a ni. Kumin chhunga hruaitu tur te leh member te
chu heng mite hi an ni.
President- F.Lalbiaksanga. Vice President – R.Remthanga
Secretary – Biakchhawnthanga Asst Secy- V.Lalnunhlua
Fin. Secretary- Zirthanngira Treasurer- V.Zomuana te an ni.
Member te :- F.Ramnghingliana, B.Lalkrosmawia, K.Saphmingthanga,
Chhawnvela, Chalhlira Ralte, T.Lalzarmawia, R.Lalmuanpuia, B.Lalzirtira,
H.Laltanpuia, B.Lalnghinglova, Kapngenga, Siamhlira, Satinkhama,
Hauhnunpuia, F.Lalrindika, R.Lalzamliana, V.Lalhmunsiama, Thangvea te an
ni. VDP hi kum tin in thlan thar thin tur a ni.

TUALCHHUNG
 Tuakthar: B.Lalzemawia S/o
B.Lalngenthanga leh C.Zohmachhuani
D/o C.Lalenglawma, Dungtlang khua
te chu Ni 4.4.2012 khan E.Lungdar
Venghlun Presbyterian Kohhran Hall
ah an innei.
Chatuan ramah : Pu.T.Lalthangliana
Kum 33 S/o Pu T.Mantawna (L) chuan
Dt 2.4.2012 Zan 6;30 khan min boral
san a, atuk ah Thlanmual No.1 ah vui
liam a ni.
Ram kang :- Dt 4 & 5. 4.2012 khan
chhura lung thlangah ram a kang a,
thalai tam tak ramkang thelh tur hian
an thawkchhuak a ni.
 Good Friday urhsun taka hman a ni.:
Kristiante hunpui pawimawh berte
zinga pakhat Good Friday chu
Dt.6.4.2012 khan khawvel pumah
Kristiante chuan urhsun takin an
hmang a. Mizorama Kohhran hrang
hrangte pawhin he ni pual hian nilenga
Pathian Biak inkhawm neiin hun an
hmang bawk.
E.Lungdar-ah pawh Kohhran hrang
hrangte chuan heni hi urhsun takin an
hmang a, Nileng a Pathian Biak
inkhawm neiin, Pathian thlarau pawlna
changin Kohhran hote an hlim hle.
Good Friday pual hian Kohhran hrang
hrangte hian tlai lamah ruai an theh
theuh bawk a a ni.

Keimahni
Branch YMA : Harsatna a awm
loh chuan Dt.12.4.2012 (Ningani)
zan 7:00Pm hian Branch Committee
meeting neih tur a ni.
Agenda pawimawh tak tak kan
neih avangin member te kal vek
turin kan inhriattir a ni.
Branch YMA Office tih chang
tlun nan BDO, E. Lungdar
kaltlangin `30,000/- kan dawng.
Budget tlak: Neuva Section
leh Saizahawla Section te chuan
Budget `2000/- an tlak fel. Neuva
Section hian `100 in an budget
an khum a ni.
Library : RRRLF atangin Library
sakna tur atan ` Nuai 6
hmuh ah First Installment ` Nuai
3 dawn tawh a ni.
Football:Zanin EPL-ah
Manchester United vs QPR
(6:00Pm ESPN) (Old Trafford)
Arsenal vs Manchester City
(8:30Pm S’ Sport)Emirates Stadium
Thawtan zanah Everton vs
Sunderland (7:30Pm)
(Goodison Park)
Newcastle United vs B o l t o n
(7:30Pm s’ sport) (Sports Direct
Arena)
Tottenham vsNorwich(7:30Pm
ESPN) (White Hart Lane)
Aston Villa vs Stoke City
(10:00Pm) (Villa Park)
Fulham v Chelsea (12:30)
(Craven Cottage)
Thawhleh zanah Blackburn vs
Liverpool (12:30)(Ewood Park)
Red Ribbon Inter Village Tournament
Final ah Chanmari L/C
chuan Durtlang L/C 2-1 a hnehin
an champion. Durtlang L/C hian
Fair play award an dawng a ni.
LGSA : Dt 24th.atanga 28th April
thleng hian Tuichangral Football &
Volleyball Championship chu
E.Lungdar ah neih a ni dawn.

Chanchinthar tawi
In delh chhia : Nimin chhun Dar 10
vel khan chaltlang kham hnuai Edenthar
venga in 2 chu a chhak lam atanga lung
lian tak lum in a delh a, mihring thi leh
hliam an awm lo hlauh a ni.
Ruang chhar: Nimin chhun vek dar 1
vel khan Sakawrtuichhun ram,
khawchhung atanga hla vaklo ah mipa
ruang chhar a ni a, Police ten an enfiah
na atangin mi kut tuar a thi ni ngei in a
hriat a ni. An ruang chhar hi chawlhhmun
venga cheng John-a ni in hriat a ni
a,nupui nei lai ni in fa 2 nei tawh a ni.
 Inquiry Committee din thar:
Assembly Speaker Pu R.Romawia chuan,
SSA sum Lapse leh Lapse loh chhui
chiang tur, House Inquiry Committee a din
tawh chu hetiang hian din that leh a ni.
Chairman – Pu Lalduhawma ZNP
Members :- 1). Pu PP Thawlla, MDF
2). Pu Lalthansanga (Chatea) MPC
3). Pu John Siamkunga Congress
4). Pu R.Lalrinawma Congress
5) Pu B.Lalthlengliana MNF
Pawisa tibo tan: Pawisa tibo chuan
tihbo zat chiangtaka sawiin Pu
B.Thangzama Venghlun hnenah ngaihven
theih a ni e.

Mipuite ngenna -
Dt 24th.4.2012 hian Sangzingi & Ztu. Denghrima Memorial
Tuichangral Football leh Volleyball Championship kan khua ah neih ani
dawn a. Mikhual thleng tur a chhungtin te lo inbuatsaih tur in kan in ngen a
ni. Mikhual thlen hun hi Ni 23.april a ni ang. Sd/ Gen.Secreatry
Tuichangral GSA
Leng Branch YMA-te Ngenna
E.Lungdar khawchhunga Bawngvulhtu ten Leng khaw chhung leh dai
vel te leh Reserve leh Field sir vela bawng chaw tur lak ching an awm a,
ching tawh lo tur in kan ngen a ni.
Tin, Leng khaw ram lui, Tuipui leh Zuva chinai leh Dynamo leh Bomb
hmanga beih ching tawh lo tur in ka ngen nghal bawk a ni. Sd/ Lalfakzuala
Secy .Leng Branch YMA
Chekawn Branch YMA-te ngenna
Chekawn ram huam chhunga lui reng reng eng hmanrua hmang mah
in beih leh tih hlum phal a nilo. Sd/ Lalbiaksiama,
Secy Chekawn Branch YMA
Tender Notice
Dt.24.4.2012 atanga tan tur Tuichangral Football & Volleyball Championship
atan thingpui dawr tender 2 koh a ni a, achhang duh tur te chuan
Ni 14.4.2012 ral hma in LGSA President/ Secretary hnenah dilna thehluh
theih a ni. `2000/- atang a chhan tur a ni ang. Sd/ Secy ; LGSA
Admission Notice
Hmingthangi Memorial HSS-ah CL-XII tur tan Ni 9th April atangin
Ni 18 April thleng Admission a tih theih e. CL-XI tur tan April thla chhung in
a tih theih ang. Admission Form hi B.Remlallawma leh K.Lalthangmawia
hnen ah lam theih a ni e. Hun ruat chhunga ti hman lo chuan Late fee
`100/- chawi a ngai ang. -Sd/ Principal. Hmingthangi Mem. HSS
HEART ATTACK NEIH THUT A MAHNI A IN ENKAWL DAN:
Mi hrisel tha tak ni in, nat lâwkna em em pawh nei lem lo mah
la, nangmah chauh a i awm a, âwm nâ (chest pain) i neih thut a, i bân
vei lam leh i khabe bawr vel nâ in a rawn fan chhoh raih raih chuan
‘HEART ATTACK’ a ni thei tih hria ang che. Chutiang a i lo awm palh a,
tumah tanpuitu hnaivai an awm lo a, damdawiin a hlat viau bawk chuan
mangang mai lo la, nangmah leh nangmah kha awlsam te in i in
chhanhim thei a ni tih hre reng la, hetiang hian ti thin ang che:
1) Na tak takin vawi eng emaw zat Khuh (Cough) vak vak rawh.
2) I khuh hma khan i hnarah boruak a tam thei ang ber thawk luh tum
thin ang che,
Boruak i thawk luh khan i chuap (Lungs) in a mamawh em em
oxygen i thaw lut a, Tin, i khuh vak vak khan i taksa a i thisen zam kal
vêl (Blood circulation) kha a ti nung tha leh dawn tihna a ni. Chutiang
a i tih chuan i chuap leh thisen zâm, i taksa a insem khan a hna
pangngai a rawn thawk leh ang a, i nunna hlu tak kha i chhanhim leh
thei dawn a ni. He thil hi tu tan pawh a hriat a tha hle a ni.
News: Kumin 2012 thla 2 (Jan&Feb) chhunga MSACS in HIV Positive
kai a hmuhchhuah thar chu mi190 an tling.Jan thla ah mi 88 niin,
Feb thla chhungin mi 102 an hmuchhuak.Kum 1990 october thla atanga
kumin Feb thla thleng a thisen test mi 184655-ah mi 6739 chu HIV
Positive an ni.Hemi chhung vek hian mi 288 an thi tawh a ni.
The Telegraph Kolkata chanchinbu in a tarlan danin
Malaria chikhat Malaria damdawi ten an tihdam theihloh khawp a
chak chu kan thenawm ram Myanmar (Burma) leh Thailand inrina
leh a chheh velah hmuh chhuah a ni.
Dt 7.4.2012 khan thlipui tleh avangin Mizoram hmun hrang
hrangah chhiatna a thleng a.Thenhlum khua ah in 5 a ti chhia a,
Champhai Dist. Vanchengpui khua ah in 12 lai a ti chhia a, Hnahthial
ah in 5 a ti chhe bawk a ni.

Editorial : Naupang khuahkhirh
Tunhma deuh kha chuan zanah
khawlai ah naupang hmuh tur tam tak an
awm thin a, tunah erawh chuan khang
hun lai ang em em chuan zanah khawlai
a naupang vak mai mai hmuh tur an awm
ta meuh lo. Amaherawhchu, naupang
tlem a zawng zanah khawlai a hmuhtur
an la awm zeuh zeuh thin. Naupang te hi
pawn a an chhuah tam na na chuan sual
an zir hma a, nu leh pa te hriat miahlo in
naupang viau emaw kan tih lai hian sual
lam ah nasa takin an lo kal thei tawh a ni
tih hi hriat a tha.
Tin, Naupang te hi mipui kal
khawm nikhua ah an tel ve na tur chi ni
vak lo ah chuan nu leh pa te pawh hian
kan khuahkhirh deuh a ngai a ni.
~~o0o~~
Ngaimawh leh sawiduh huang
(SMS @ 8014640233, 9863385501)
Vangtlang hmun, kawngpui ti chep
zawnga huan hung,lungrem ho hi V/C te
hian ngaihven teh u.Kan inti ping zo mai
dawn.Lirthei a pungchak si, an duham
hian chintawk a nei silo. -Mama Patea
 Inrinni a chawlhni thlak tur neilo te
tan a buhfai an sem thin hi a lawmawm
mange. Mahse chawlhni thlak tur nei tih
hriat ngawih ngawih te pawh neilo tak tak
kar ah a an thu ve fur thin hi a,zahthlak
tih nachang hre ve tak ang
maw?Chawlhni thlak tur neilo tak tak
chiah hian chang tawh ang u.Duham lutuk
pawh hi a tha lo a nia. -Mr.Solomon
Thalai khawhar in kal ve si zai tum
miah lo a phone khawih ringawt
ngaihtuah ho hi chuan zahna chang hre
mawlh te u.Phone neihna ala reilo thlak
mah mah. -Mr Solomon
Tunlai hian mi thil ruk ching an awm
a, mitin te i fimkhur ang u.Thil ruk ching
pawh kha i mualpho hmain sim vat ang
che. -Tv Muana
PHE Tui, tlanga mi ruk ching an la
awm hi a zahthlak ngawt mai. Hetiang
tih ching te hi chu mipui hriata pho lan a
tha, an sim duh deuh ang. – Faka
Khawdang achhiat tawh thil a mi motor
hmang a kan kal hian Motor neitu te
hnenah hian kal man pawisa tlem a zawng
pek ve hi i uar ang u. A thlawn ringawt a
kal hi chu tum lo tlang teh ang u.
-Tea Pu